Tuesday, January 29, 2013

Short poems


1.
"കണ്ണുനീര്‍ കൊണ്ട് വരച്ചതാണ്
അല്പം വിഷാദച്ഛവിയുമുണ്ട്
എങ്കിലും ചിത്രം രസിച്ചുവെങ്കില്‍
ദൂരെ നിന്നങ്ങനെയാസ്വദിപ്പിന്‍"

2.

"ചങ്ങാതിയാണേലും
അസമയത്തണയുമ്പോള്‍
മഴ പോലുമെന്തൊരു ശല്യം"

3.

"ഇക്കടലില്‍ നിന്നെന്നെ രക്ഷിക്കണേ
ആ ചെകുത്താന്റെ മുന്നിലേക്കെറിയണേ
അഞ്ചുകൊല്ലങ്ങള്‍ തീരുമ്പോഴെന്നെ നീ
വീണ്ടുമിക്കടലില്‍ തന്നെയാഴ്ത്തണേ"

4.

സകല പുഷ്പങ്ങളെയും 
ചുംബിക്കും ശലഭമേ,
ഇനിയും അചുബിതപുഷ്പത്തെ 
തേടുന്നതെന്തിനു നീ ?

5.

സുന്ദരിപ്പൂക്കള്‍ കൊഴിഞ്ഞുപോയി 
പാറും ശലഭങ്ങള്‍ മാഞ്ഞു പോയി 
സസ്യമേ നീയിനിയെത്ര കാലം 
വേവുമീ വേനലില്‍ വാടി നില്‍ക്കും?

1 comment:

  1. ചെകുത്താനും,കടലിനും നടുവില്‍...,...
    ആശംസകള്‍

    ReplyDelete

Please do post your comments here, friends !