Friday, January 11, 2013

ചെറുകവിതകള്‍ -4




1.  

"അതേ വൃക്ഷങ്ങള്‍, അതേയിടവഴി; 
എങ്കിലും ഈ പുലരിയില്‍ 
എത്ര വ്യത്യസ്തം !"

2.

"ചിത്രശലഭമേ, 
ഈ കാട്ടുചെടിക്കേതു പൂവിന്‍ 
ജാതകപരാഗം പേറിയെത്തുന്നു നീ ?"

3.

"വിജനവീഥിയില്‍ 
ഇരുള്‍യാത്ര ചെയ്യവേ 
ദൂരെയായൊരാള്‍; 
ഭയവു,മാശ്വാസവും !"

4.

"ഇരുളാണിപ്പോള്‍ ...
വഴികാട്ടുവാന്‍ 
നിന്‍ മിഴിനിലാവ് മാത്രം."

5.

"പിഴുതെറിഞ്ഞ പാഴ്ചെടി
അമ്പോ, വേലിക്കരികിലൊരു 
കുടുംബമായ് പാര്‍ക്കുന്നു"

6.

"പനിനീര്‍ പുഷ്പമേ...
എത്രയാണ്‍ഹൃദയരക്തം
കവര്‍ന്നു ചുവന്നു നീ ?"

2 comments:

  1. നന്നായിരിക്കുന്നു
    ആശംസകള്‍

    ReplyDelete

Please do post your comments here, friends !