Sunday, January 6, 2013

സദാചാരചന്ദ്രന്‍




പാതിരാവായ്, ചന്ദ്രഗേഹം വെടിഞ്ഞു നീ 
ന്തിനിപ്പാരില്‍ ചരിക്കുന്നു ചന്ദ്രികേ ?
'എന്റെ നീ, നിന്റെ ഞാന്‍' എന്ന മന്ത്രത്തില്‍ നിന്‍ 
നോക്കും, നടപ്പും തളച്ചതില്ലേയവന്‍  ?

നാടുറങ്ങാറായി, നാട്ടുകവലയില്‍ 
എകയായെന്തേയിരിക്കുന്നു ചന്ദ്രികേ ?
ഞാനില്ലയെങ്കില്‍ നീ പോകേണ്ടതില്ലെ-
ന്നൊരിക്കലും നിന്നോടുരച്ചതില്ലേയവന്‍ ?

കാമം നുരയ്ക്കുന്ന ഭീതയാമത്തില്‍ നിന്‍ 
ലോലപാദങ്ങള്‍ ചലിക്കുന്നതെങ്ങനെ ?
കാലം കുറിച്ചിട്ട പാരിന്‍ സദാചാരമൂല്യം 
പ്രഘോഷിച്ചു തന്നതില്ലേയവന്‍?

ചന്ദ്രികേ, ഹാ ! അമാവാസിയിലെങ്കിലും
നീ വീടു പൂകുമെന്നാശ്വസിക്കട്ടെ ഞാന്‍ ?

ഏറെ നാളായെടോ,കാണാന്‍ കൊതിപ്പു ഞാന്‍
കാല്‍വിരലുണ്ണു ന്ന പൈതലാം ചന്ദ്രനെ !

2 comments:

  1. പാലൊളി തൂനിലാവായ്
    സദാചാരമൂല്യം പരക്കട്ടെ!
    ആശംസകള്‍

    ReplyDelete
  2. നല്ലത്
    ഇഷ്ടപ്പെട്ടു

    ReplyDelete

Please do post your comments here, friends !