മൊബൈല്‍ ക്യാമറയുള്ളത് നന്നായി.
മഴയുടെ ചിത്രങ്ങളെടുക്കണം
പുഴയൊഴുകുന്നത് പകര്‍ത്തി വയ്ക്കണം.
കുന്നിന്‍പുറത്തു കയറി നിന്ന്
നാട്ടുവഴിയുടെ ചിത്രമെടുക്കണം.
കാറ്റില്‍ ആമരമീമരം കിന്നരിക്കുന്നതും
ഇണശലഭങ്ങള്‍ കണക്കുവയ്ക്കാതെ ചുംബിക്കുന്നതും
ഒപ്പിയെടുത്തു കളയാതെ സൂക്ഷിക്കണം.
പുല്‍ക്കൊടികളെയും, പുല്‍ച്ചാടികളെയും
ഞാഞ്ഞൂലുളെയും, തേരട്ടകളെയും
ഇനംതിരിച്ചു ചിത്രങ്ങളാക്കണം.
പൊടിപിടിച്ച നിഘണ്ടുവില്‍ നിന്ന്
സ്നേഹവും, സാഹോദര്യവും
തിരഞ്ഞു കണ്ടുപിടിച്ച്
മൊബൈല്‍ ചിത്രമാക്കി
അടിക്കുറിപ്പുകള്‍ നല്‍കി സൂക്ഷിച്ചുവയ്ക്കണം.
നമ്മുടെ പേരക്കുട്ടികള്‍ വലുതാവുമ്പോള്‍
നമുക്ക് വീമ്പിളക്കാമല്ലോ
നിങ്ങളീ ചരിത്രപുസ്തകങ്ങളില്‍ കാണുന്നവ
അപ്പൂപ്പന്‍ നേരിട്ട് കണ്ടിട്ടുണ്ടെന്ന്.
അവരന്നതു ചിരിച്ചു തള്ളുമായിരിക്കും
കാലണയ്ക്ക് ഒരു ചാക്ക് അരി കിട്ടുമായിരുന്നു
എന്ന് നമ്മുടെ മുത്തച്ഛന്‍ പറയാറുള്ളപ്പോള്‍
നാം മുഖം തിരിഞ്ഞുനിന്ന് കളിയാക്കാറുള്ളതു പോലെ !
അവരന്നതു ചിരിച്ചു തള്ളുമായിരിക്കും
ReplyDeleteകാലണയ്ക്ക് ഒരു ചാക്ക് അരി കിട്ടുമായിരുന്നു
എന്ന് നമ്മുടെ മുത്തച്ഛന്‍ പറയാറുള്ളപ്പോള്‍
നാം മുഖം തിരിഞ്ഞുനിന്ന് കളിയാക്കാറുള്ളതു പോലെ !
പലപ്പോഴും ചെയ്തിട്ടുള്ള കാര്യം