Saturday, June 30, 2012

നരകം



ആകാശഗംഗയില്‍
എവിടെയോ ആണെന്നറിയാം.
എത്തിയത് എങ്ങനെയാണ് 
എന്നറിയാത്തത്‌ കൊണ്ട്
വഴി പറയാനറിയില്ല.
കയറുന്നതിനു മുന്‍പ് കണ്ടു...
ആര്‍ക്കും രക്ഷപ്പെടാനാവാത്ത
ഒരു പാട് കോട്ടകളുണ്ടിവിടെ .
അതിലൊന്നില്‍
കാവിക്കൊടി പാറുന്നു,
പിന്നൊന്നില്‍ പച്ചക്കൊടി,
ഒന്നില്‍ വെള്ളക്കൊടിയും..
പിന്നെയുമുണ്ട് കുറെ.
അവയിലെല്ലാം
ലോകത്തുള്ള എല്ലാ ലിപികളിലും
"നരകം" എന്ന്
വലിയ അക്ഷരത്തില്‍
ബോര്‍ഡുകളും ഉണ്ട്.
കൃത്യമായി
ഈ കാവിക്കൊടിക്കോട്ടയില്‍
എന്നെ ആരെത്തിച്ചു
എന്ന് ചിന്തിച്ചു നില്‍ക്കുമ്പോള്‍
കടുക് പൊട്ടുന്നത് പോലെ ഒരു ശബ്ദം കേട്ടു....
പരമകാരുണികനായ
ഞങ്ങളുടെ ദൈവം
നരകത്തീയില്‍ ഇട്ട് ആരെയോ
ഉപ്പേരി വറുക്കുന്നത്‌ പോലെ വറുക്കുന്നു !

5 comments:

  1. ലോകത്തുള്ള എല്ലാ ലിപികളിലും
    "നരകം" എന്ന്
    വലിയ അക്ഷരത്തില്‍
    ബോര്‍ഡുകളും ഉണ്ട്.

    അതെ അത് സ്വർഗമുണ്ടായതിനാൽ കുറിച്ചിട്ടതാവും

    ReplyDelete
  2. മതനിഷേധമാണോ അതൊ അപകർഷതാഭോധമാണൊ വിഷയം. അതൊ എന്റെ വായനയുടെ പിശകാണൊ..

    ReplyDelete
  3. എനിക്ക് മനസിലായത് മാനസാന്തരപ്പെട്ടൊരു ആര്‍..എസ്.എസ് കാരനാണ് എന്നാണ്.:)

    എന്തായാലും വേണ്ടില്ല, മനസിലുള്ള ആശയത്തിനോപ്പം വാക്കുകളെ എത്തിക്കാന്‍ ഇത്തിരികൂടി വര്‍ക്ക്‌ ഔട്ട് ചെയ്തേ പറ്റൂ.

    ആശംസകള്‍.......

    ReplyDelete
  4. ദൈവത്തിന്റെ ഉപ്പേരി വറുക്കല്‍..നടക്കട്ടെ നടക്കട്ടെ

    ReplyDelete
  5. രാഷ്ട്രീയമാണ് വിഷയം എന്ന ചിന്ത ഒഴിവാക്കി നോക്കൂ.

    ReplyDelete

Please do post your comments here, friends !