Sunday, February 17, 2013

short poems


* വേലിക്കെട്ടുകള്‍ *

"ഭൂമിയിതൊന്നേയുള്ളൂ മാനവ-
രക്തത്തിന്‍ നിറമതുപോലെ
എങ്കിലുമനവധി വേലിക്കെട്ടുകള്‍
തീര്‍ത്തു വെറുപ്പു പഠിപ്പൂ നാം."


* കണ്ണാടി *

"പൊട്ടിയുടഞ്ഞുപോയെങ്കിലും
പൊട്ടുകള്‍
തേടിയെടുത്തു ഞാന്‍ സൂക്ഷിപ്പൂ
എന്നിലെയെന്നെ
തിരിച്ചറിഞ്ഞീടുവാന്‍
എന്നെപ്പഠിപ്പിച്ച കണ്ണാടി"

* വസന്തകാലം *

"‎"പൂക്കളേ, വീണ്ടും വരാം"
മെല്ലെയകലുന്നു
കണ്ണീരുവറ്റിയ വസന്തകാലം"



* ഇഷ്ടം *
"
കവിതയെഴുതി
ആളുകളെക്കൊണ്ട്
പാടിപ്പിക്കുന്നതാണോ
നിങ്ങള്‍ക്കിഷ്ടം ?

അതോ..
കവിതയെഴുതി
ആളുകളെക്കൊണ്ട്
പറയിപ്പിക്കുന്നതോ ?
"


* പക്ഷികള്‍ *

"ധാന്യം വിതറൂ...
ഈ സുന്ദരിപ്പക്ഷികള്‍
എത്ര സ്വാര്‍ത്ഥമതികളെന്നറിയാം !"


* മയില്‍ *

"ആണ്‍മയിലേ, മഴവന്നാലും
കാണാനൊരു പെണ്‍മയിലില്ലേല്‍
പീലിയൊതുക്കിയിരിക്കില്ലേ നീ?"
*ഭൂമി*

"ഉള്ളില്‍ പണ്ടേ ചൂടാണെങ്കിലു-
മെത്ര യുഗങ്ങള്‍ സഹിച്ചൂ ഭൂമി.
മെയ്യില്‍ കൂടെ പൊള്ളിച്ചാലിനി-
യെത്ര ദിനങ്ങള്‍ സഹിക്കും പാവം."

2 comments:

  1. നന്നായിരിക്കുന്നു കുഞ്ഞുകവിതകള്‍
    ആശംസകള്‍

    ReplyDelete

Please do post your comments here, friends !