Saturday, February 2, 2013

വീട്

കൈവഴികളായി 
ഈ പുഴ പിരിയുന്നിടത്ത് 
അവര്‍ക്കൊരു വീടുണ്ടായിരുന്നു.

അവള്‍ മോഹങ്ങള്‍ കൊണ്ടും 
അയാള്‍ വാക്കുകള്‍ കൊണ്ടും തീര്‍ത്തത്.

രണ്ടു തോണികളില്‍ 
രണ്ടു ദിശകളില്‍ പിരിയുമ്പോള്‍
അവര്‍ വീടിനെക്കുറിച്ച് 
ഓര്‍ത്തതേയില്ല.

ഇന്ന്
ഏതോ കരകളില്‍
പരസ്പരം കാണാതെയിരുന്ന്
അതിനെക്കുറിച്ചോര്‍ക്കുകയാണവര്‍.

എന്നാല്‍
അതവിടെത്തന്നെയുണ്ടാകുമെന്ന്
അവര്‍ക്കെന്താണുറപ്പ് ?

1 comment:

  1. ഉറപ്പില്ലാത്ത ബന്ധങ്ങള്‍

    ReplyDelete

Please do post your comments here, friends !