കുപ്പിക്കുള്ളിലെ ഭൂതം

ചില കുപ്പികള്‍ക്കുള്ളില്‍ 

ചോദിക്കുന്നതെല്ലാം തരുന്ന

ഭൂതങ്ങള്‍ കാണുമത്രേ.

എന്നും വാങ്ങുന്നുണ്ട്

ഓരോ കുപ്പി.

എന്നിട്ടും ഒരു ഭൂതവുമെന്തേ

ഈ തലതിരിഞ്ഞ 

ഭൂമിയൊന്നു നേരെയാക്കാത്തത് ?

ഈ ഇഴഞ്ഞുപോകുന്ന 

സൈക്കിളൊന്നു  നേരെയോട്ടാത്തത്‌  ?

എന്തേ വിളക്കുമരച്ചോട്ടില്‍ നിന്ന് 

പൊക്കി വീട്ടുകട്ടിലിലിടാത്തത് ?

പൊന്നുമോളുടെ കല്യാണത്തിന് 

പൊന്ന് തരാഞ്ഞത് ?

ഓര്‍മ്മകള്‍ എന്നേയ്ക്കുമായി

മായ്ച്ചു കളയാത്തത് ?

ശരിയാണ്

കുപ്പിക്കുള്ളില്‍ ഒരു ഭൂതമുണ്ട്

എന്റെ  ഭാവി തിന്ന് കൊഴുത്ത ഒരു ഭൂതം !