Thursday, October 4, 2012

കടല്‍



ബാല്യങ്ങള്‍ക്ക്‌,
മണല്‍ത്തരികളിലൊരു കളിത്തട്ട്.
ചെറുഭയം പകരും ജലസ്പര്‍ശം.

കമിതാക്കള്‍ക്ക്,
ജീവിതപ്രതീക്ഷകളുടെ 
അനന്തചക്രവാളം.
അനുരാഗം പോലെ
തിരയടികളുടെ നൈരന്തര്യം

വ്യഥിതര്‍ക്ക്,
ഹൃദയഭാരമൂതിപ്പറത്താനൊരു
ജലവിശാലത.
കടല്‍ക്കാറ്റിന്‍ സാന്ത്വനം.

എകാകികള്‍ക്ക്
തിരയിരമ്പങ്ങളൊരു കൂട്ട്.
വ്രണിതഹൃത്തിലേക്കൊരു കുളിര്‍മൊഴി.

കടലിനെക്കുറിച്ച് ഇനിയെന്താണ് പറയുക ?

ഹൃദയവികാരങ്ങളുടെ കണ്ണാടിയെന്നോ ?

2 comments:

  1. അല്ല, കടല്‍ ജീവിതമാണെന്ന് പറയണം..
    ഓളവും തിരയും, അഴുക്കും ചെളിയും,
    പ്രതീക്ഷയും നിരാശയും, ഉദയവും അസ്തമാനവും,
    ഞാനും നീയുമുള്ള ജീവിതമെന്ന്...!

    കടലിനെ കുറിച്ച് ഇനിയുമെന്തൊക്കെയോ പറയാനുണ്ട്,
    ഹൃദയ വികാരങ്ങളുടെ കണ്ണാടി തന്നെയാണത്...

    നല്ല വരികള്‍..
    ആശംസകള്‍...

    ReplyDelete
  2. മനസ്സിനോളം ആഴമുള്ള ആഴി..
    നല്ല വരികള്‍

    ReplyDelete

Please do post your comments here, friends !