1.
"അതേ വൃക്ഷങ്ങള്, അതേയിടവഴി;
എങ്കിലും ഈ പുലരിയില്
എത്ര വ്യത്യസ്തം !"
2.
"ചിത്രശലഭമേ,
ഈ കാട്ടുചെടിക്കേതു പൂവിന്
ജാതകപരാഗം പേറിയെത്തുന്നു നീ ?"
3.
"വിജനവീഥിയില്
ഇരുള്യാത്ര ചെയ്യവേ
ദൂരെയായൊരാള്;
ഭയവു,മാശ്വാസവും !"
4.
"ഇരുളാണിപ്പോള് ...
വഴികാട്ടുവാന്
നിന് മിഴിനിലാവ് മാത്രം."
5.
"പിഴുതെറിഞ്ഞ പാഴ്ചെടി
അമ്പോ, വേലിക്കരികിലൊരു
കുടുംബമായ് പാര്ക്കുന്നു"
6.
"പനിനീര് പുഷ്പമേ...
എത്രയാണ്ഹൃദയരക്തം
കവര്ന്നു ചുവന്നു നീ ?"
good
ReplyDeleteനന്നായിരിക്കുന്നു
ReplyDeleteആശംസകള്