Thursday, August 30, 2012

അണക്കെട്ട്



ഈ അണക്കെട്ടിനു പിന്നില്‍
ഒരു പ്രളയം 
പതിയിരിക്കുന്നുണ്ട്...
പ്രക്ഷുബ്ധ മനസ്സിന്റെ
അപ്രവചനീയത പോലെ !

ജലം
ഈ തടയണയില്‍ 
കണ്ണില്‍ പെടാത്ത
വിള്ളലുകള്‍ വീഴ്ത്തുന്നുണ്ട്...

അപകടകാരിയായ
ഒരു തടവുപുള്ളിയെപ്പോലെ.

പ്രളയത്തെയും വരള്‍ച്ചയേയും
വേര്‍തിരിക്കുന്ന
ഈ നേര്‍ത്ത അതിരിന്റെ
ഒരു വശത്ത്
അഗാധമായ ശാന്തിയാണ്...
ആസന്നമായ വിസ്ഫോടനത്തിന്
മുന്നൊരുക്കം നടത്തുന്ന

ജ്വാലാമുഖിയെപ്പോലെ

1 comment:

Please do post your comments here, friends !