Thursday, August 30, 2012

ദേവി



ശല്യപ്പെടുത്തരുത്.
അവളിപ്പോള്‍
അഗതികളുടെ ആശുപത്രിക്കൌണ്ടറില്‍ 
ഇന്നത്തെ വരവെണ്ണിനോക്കുകയാണ്.

ശബ്ദമുയര്‍ത്തരുത് ..
അവളിപ്പോള്‍
വിദ്യാലയത്തിന്റെ ശീതീകരിച്ച മുറിയിരുന്ന്
ഭക്തരുടെ മുഷിഞ്ഞ പണസ്സഞ്ചിയില്‍ 
പരതിനോക്കുകയാണ് 


ചോദ്യം ചെയ്യരുത് ..
സംശയിക്കരുത്‌ ..
നിന്റെ ദേവി
എല്ലാം കേള്‍ക്കുന്നുണ്ട്.
കാണുന്നുണ്ട്..
അറിയുന്നുണ്ട്..

വിശ്വസിക്കുക.
അവളുടെ ആശ്ലേഷത്തിന്‍
പരമാനന്ദമുണ്ണുക.

ജീവന്റെ കോടാനുകോടി
സ്ഫുലിംഗങ്ങള്‍ തെളിയിച്ചവള്‍ക്ക്
അവയെല്ലാം കെടുത്താനും
കഴിയുമെന്ന് മറക്കരുത്.

No comments:

Post a Comment

Please do post your comments here, friends !