അറിയാനാവുന്നില്ലേ?
ഈ ഉള്‍ക്കടലില്‍
ഒരു കൊടുങ്കാറ്റു വീശുന്നുണ്ട്.
കരയെ ചുംബിച്ചു മടങ്ങിപ്പോകുന്ന
തിരകളിലൊന്നില്‍
ഞാന്‍ നിനക്കൊരു
സന്ദേശം കൊടുത്തയക്കുന്നു...
ചുവന്ന സൂര്യനെ ചുറ്റിപ്പറക്കുന്ന
കടല്‍പ്പക്ഷികള്‍ കാണാതെ...
സാന്ധ്യശോണിമയും കടല്‍നീലിമയും
കറുപ്പിലലിയുന്നതിനു മുന്‍പ്
നീ മറുകരയിലെത്തൂ.
വൈകിയില്ലെങ്കില്‍,
നിന്റെ പാദങ്ങളില്‍
സ്പര്‍ശിക്കുന്ന തിരകളിലൊന്ന്
ഞാനയച്ചതായിരിക്കും.
ഉള്‍ക്കടലിലെ അശാന്തമായ
കാറ്റിനെക്കുറിച്ച്
അപ്പോള്‍ നിനക്കു മനസ്സിലായേക്കും.
No comments:
Post a Comment
Please do post your comments here, friends !